Nassor Binslum afiwa na baba yake.

TANZIA

Blogu hii kwa niaba ya uongozi wa Coastal Union, mjini Tanga inaungana na familia ya Nassor Ahmed Binslum kutokana na msiba wa baba yake uliotokea jana nchini India.

Binslum ambaye ni mwanachama wa Coastal Union na mtu aliyeshiriki kwa kiasi kikubwa kusaidiana na viongozi wa timu kuifikisha klabu hapa ilipo, alikuwa na baba yake nchini India ambaye naye enzi za uhai wake alikuwa mnazi mkubwa wa Wagosi wa kaya.

Mzee Ahmed aliugua kwa muda mrefu na alikaa katika chumba cha wagonjwa wanaohitaji uangalizi maalum (ICU) kwa takriban mwezi mmoja, mpaka jana jioni roho yake iliporudi kwa MwenyeziMungu.

Taarifa za awali kutoka katika familia ya Binslum zinaeleza kuwa maziko yatafanyika hukohuko India, na kwa wale wanaotaka kutoa pole wanaweza kuwasiliana na Ally Kiraka ama ndugu yake Nassor yaani Mohammed Binslum.

SOTE NI WAJA WA MWENYEZIMUNGU NA KWAKE TUTAREJEA.

COASTAL UNION
OCTOBER, 2013

Coastal Union yapokonywa tonge mdomoni na Azam FC mjini Tanga.

 Kikosi cha leo kilichoanza kutoka nyuma kushoto Pius Kisambale, Crispian Odulla, Juma Nyoso, Jerry Santo, Othman Tamim, kutoka mbele kushoto, Mbwana Kibacha, Uhuru Suleiman, Masumbuko Keneth, Yayo Kato, Hamadi Juma na golikipa Shaaban Kado.

 Leo golikipa wa Azam Mwadini Ally alikuwa na wakati mgumu sana, ingawa bahati haikuwa ya Wagosi.

 Hamadi Juma katika hekaheka za kuondoa hatari langoni mwa Wagosi.

 'Nipishe' Ni kama Pius Kisambale akimwambia beki wa Azam ili amimine krosi kwa vijana wake.

                             Yayo Kato akitafuta mbinu za kumtoka beki wa Azam FC.

 Nahodha Jerry Santo akikunjuka nje kidoo ya lango la Azam, ingawa shuti lake halikuleta madhara.

 Kocha wa Coastal Union, Hemed Moroco akiwabwatukia wachezaji wake wacheze kama alivyowafunza.

 Hili ndilo bao la kipindi cha pili walilokosa Coastal Union, ambapo shuti la Selembe lilipita mikononi mwa Mwadini Ally na kugonga mwamba.



SULUHU ya bila kufungana kati ya Coastal Union na Azam FC katika uwanja wa Mkwakwani mjini Tanga imezidi kuwaongezea idadi ya suluhu Wagosi wa kaya katika Ligi Kuu ya Vodacom Tanzania Bara.

Mchezo huo uliokuwa na presha kubwa kwa mashabiki na wachezaji ulimuweka katika wakati mgumu mwamuzi Andrew  Shamba kutoka Pwani, kutokana na kushutumiwa kuwapendelea Azam FC.

Kipindi cha kwanza timu zote zilicheza kwa nguvu zikihakikisha zinapata mabao ya mapema na kujihakikishia ushindi lakini hakuna hata timu moja iliyofanikiwa kuona lango la mwenzake.

Kipindi cha pili kilianza kwa Azam FC kushambulia kwa kasi huku wakimiliki mpira hali iliyowachanganya wachezaji wa Coastal Union wakaanza kupoteana na kucheza bila kufuata mfumo. Hali hiyo ilizidi kuwachanganya Wagosi wa Kaya hasa baada ya mwamuzi kuanza kutoa maamuzi ya utata, kwani katika dakika ya sabini alitoa kona kwa Azam wakati ilikuwa ni goal kick.

Mashabiki wakaanza kuhamaki na kutaka kuvuruga mchezo baada ya mwamuzi kuzidisha kutoa maamuzi ya utata kama faulo zisizoeleweka na kona za utata. Hali hiyo ilimtisha mwamuzi na kusimamisha mchezo mara kwa mara ili kuwataka wasimamizi wa mchezo huo kuwatuliza mashabiki.

Tukio lililotokea kipindi cha kwanza ambapo mwamuzi wa pembeni alipigwa na kitu kisichojulikana kutoka jukwaa la 'Rasha' lilitaka kujirudia kipindi cha pili baada ya chupa na mawe kutupwa uwanjani baada ya mwamuzi kutoa faulo nje kidogo ya 18 upande wa Coastal Union.

Dakika ya 65 mwalimu Hemed Moroco alifanya mabadiliko na kumtoa Pius Kisambale akaingia Suleiman Kassim 'Selembe'. Mabadiliko hayo yaliongeza uhai kwa Wagosi hasa kutokana na aina ya uchezaji wa Selembe kutumia mipira ya kasi.

Azam FC walianza kuelemewa kutokana na Mganda, Yayo Kato kutumia vema mwili wake mfupi na wenye nguvu kuwashambulia mabeki wa Azam, hali hiyo iliwafanya Azam kubadilika na kucheza mpira wa hovyo uliowapa nafasi Coastal Union kupiga mipira mirefu ambapo ilipofika dakika ya 75 kipindi cha pili katika jukwaa la African Sports, Wagosi walikosa bao la wazi baada ya Selembe kupiga krosi iliyopenya ngome ya Azam akiwemo mlinda mlango Mwadini Ally na kugonga mwamba.

Kutokana na piga nikupige ya lala salama kufika dakika ya 74 mwamuzi alimnyooshea mlinzi wa kulia wa Coastal Union, kinda Hamadi Juma 'Basmat', kadi nyekundu baada ya kubadilishiana maneno na mchezaji wa Azam, Kipre Tchetche.

Tukio hilo lilianzia kwa Kipre kumpiga Hamadi kiwiko cha shingo hali iliyomfanya kinda huyo kumfuata kwa jazaba huku akimuuliza kwanini amemfanyia hivyo. Mwamuzi baada ya kuona Hamadi amemuelekezea kichwa Kipre akadhani kinda huyo anapigana ndipo akatoa kadi ya moja kwa moja.

Baada ya kadi hiyo hali ya uwanja ilichafuka ambapo mashabiki walikuwa wakipiga kelele huku wachezaji wakitaka kupigana, ndipo mchezaji mwingine wa Coastal Union beki wa kushoto Othman Tamim akapewa kadi ya njano papo hapo.

Baadaye mchezo ulirudi katika hali yake lakini ngome ya Coastal Union ilikuwa imepwaya hali iliyomfanya Juma Said 'Nyoso' kuwa na kazi kubwa ya kuhakikisha ngome yao inakuwa imara.

Ilipofika dakika ya 84 mwlimu Moroco alifanya mabadiliko kwa kumtoa Uhuru Suleiman na kumuingiza Yusuf Chuma. Ambapo kinda huyo alionyesha uwezo mkubwa na kurudisha uhai wa safu ya ulinzi.

Mpaka mwamuzi wa leo anapuliza kipyenga cha mwisho matokeo yaliendelea kusomeka hivyo hivyohivyo 0-0, na kuendelea kuibakisha Coastal Union katika nafasi ya nne ikiwa na point 11 nyuma ya Azam iliyo nafasi ya tatu yenye point 11 lakini ikiwa na mabao mengi ya kufunga.

Baada ya mechi ya leo Coastal Union itashuka dimbani wiki ijayo katika uwanja wa Chamazi dhidi ya Ashanti United wanaoshika mkia katika ligi.

COASTAL UNION
5 OCTOBA, 2013
TANGA, TANZANIA    

Coastal Union Vs Azam FC, Tanga haitoshi.

 Coastal Union ina kikundi maalum cha ngoma, ambacho kinaongozana na timu Tanzania nzima. Hapa walikuwa wanaifuata timu mjini Mbeya wiki iliyopita.

 Benchi la Coastal Union chini ya uongozi wa kocha mkuu wa timu hiyo, Hemed Moroco. Kila mchezaji afadhali ya mwenzake. Waliokuwa ndani na walio nje hakuna zaidi ya mwenzake, ndiyo raha ya CUSC. Kutoka kushoto Razak Khalfan, Danny Lyanga, Yayo Kato, Hamadi Juma 'Basmat', Yusuf Chuma 'Crouch', Said Lubawa na Kenneth Masumbuko. Wengine ni Mwalimu wa timu B Joseph Lazaro, Kit Manager Mohammed, kocha msaidizi ally Ahmed 'Kidi' na kocha mkuu Hemed Moroco. Kwa mbaaali anaonekana daktari wa timu Mzeee Mganga 'Bwinyex....'

Baadhi ya wachezaji wa Coastal Union kabla ya kucheza na Mbeya City katika uwanja wa Sokoine mjini Mbeya, kutoka kushoto ni Golikipa Shaaban Kado, Uhuru Suleiman, Othman Tamim, Mbwana Kibacha, pius Kisambale, Marcus Ndeheli, Juma Said 'Nyosso', Haruna Moshi 'Boban', Crispian Odula na Abdi Banda, mwingine ambaye hakuonekana kwenye picha alikuwa ni Jerry Santo ambaye alikwenda kufanya shughuli za unahodha.

Baada ya kutoka suluhu ya 1-1 mjini Mbeya na timu iliyopanda daraja msimu huu ya Mbeya City, Coastal Union ‘Wagosi wa Kaya’ kesho watashuka dimbani katika uwanja wa nyumbani wa Mkwakwani kukutana na Azam FC ‘Wana lambalamba’ kwenye mechi ya Ligi Kuu ya Vodacom kusaka point tatu muhimu.

Wagosi wa Kaya wanaoshikilia nafasi ya nne wakiwa na point 10 sawa na Azam FC wanaoshikilia nafasi ya tatu wakipishana magoli ya kufunga na kufungwa, wamewahakikishia wapenzi wao kuwa wauza Ice Cream wa Bahresa wataondoka Tanga vichwa chini baada ya kichapo watakachokipata ndani ya dakika tisini za mchezo.

Itakumbukwa katika mechi ya Mbeya, wachezaji wa Azam FC pamoja na kocha wao walikuwa katika uwanja wa Sokoine kuangalia aina ya uchezaji wa Wagosi ili katika mechi yao wasipate tabu, lakini kocha msaidizi wa Wagosi amesema hilo halisumbui ‘mahakama’.

“Unajua unaweza kuiona mechi ya Manchester United, lakini ukashindwa kuwafunga. Sishangai kuwa kutuona kwao kunaweza kusitusaidie kitu chochote kwani timu yetu ina mifumo mingi ya uchezaji, mbali ya hayo pia tuna wachezaji wazuri ambao watatusaidia kuwatia adabu Azam,” alisiema Ally Ahmed ‘Kidi’.

Kidi aliongeza kuwa; “Tunajua msimu huu kila timu imejipanga, hasa zile ambazo zimepanda daraja msimu huu na kila timu inataka kumaliza nafasi tatu za juu lakini na sisi tupo vizuri, hatujapoteza mchezo hata mmoja ingawa tuna suluhu nyingi tutahakikisha hizi mechi sita zilizobaki tunarekebisha makosa yetu.”

Aidha, mwalimu Kidi alizungumzia suala la beki kinda aliyetokea timu ndogo ya Wagosi, Abdi Banda ambaye kwa sasa anacheza nafasi ya kiungo alisema; “Banda ni mchezaji mdogo na anayeelewa haraka. Nimegundua anacheza nafasi zote na tuliamua kumchezesha namba sita baada ya Odulla ‘Crispian Odulla’ kupewa kadi nyekundu hivyo tukaamua Santo ‘Jerry Santo’ acheze namba nane na Boban ‘Haruna Moshi’ acheze namba kumi.

“Halafu nafasi ya Banda ikachukuliwa na Othman Tamim ambaye anacheza beki zote za kulia na kushoto ameonyesha uwezo wa hali ya juu. Hii inadhihirisha kuwa timu yetu kwa sasa ina wachezaji wengi wanaocheza nafasi  nyingi.”

Alipotakiwa kuzungumzia mfumo wanaoutumia ambapo inaonekana wanajihami zaidi na mbele kuacha mchezaji mmoja haoni hilo litawapa nafasi ya Azam ya kuwachosha mabeki wa Coastal Union hasa ikizingatiwa wana washambuliaji wasiochoka, Kidi alisema “Kocha wa Azam anatujua vizuri, hatuna sababu ya kuweka hadharani mbinu zetu lakini ujue tu timu yetu ina washambuliaji wazuri wa pembeni wanaojua kupiga krosi, tumewafundisha vizuri na nina hakika wameelewa kikubwa wachezaji wajitume.”

Katika hatua nyingine mwenyekiti wa Coastal Union, Hemed Hilal ‘Aurora’ amewataka mashabiki wautumie vizuri mchezo wa nyumbani kwa kushangilia kwa nguvu. “Si umeona namna wachezaji wetu walivyocheza na Mbeya city tulikuwa na uwezo wa kuwafunga zaidi ya mabao matatu lakini wapenzi wao waliwashangilia kwa nguvu.

“Tuache kuzungumza maneno ya kuwakatisha tamaa wachezaji na walimu, tayari wameshafanya kazi yao na sisi tuhakikishe tunaujaza uwanja kama walivyofanya mashabiki  wa Mbeya City. Tuungane kuishangilia timu yetu nina hakika kila mtu atatukubali,alisema Aurora.”

Katibu wa hamasa na ushangiliaji Abdallah Zuberi ‘Unenge’, ambaye huandamana na timu kila inapokwenda alipozungumza na blogu hii alisema;  “Timu bado haijafungwa hata mechi moja, ingawa imetoka suluhu nyingi zitakazotugharimu huko mbeleni, lakini naaamini bado ipo katika chati inatajwa kwenye vyombo vya habari ni ishara njema kikubwa watu wa Tanga waibebetimu  yao  isianguke.”

Mpaka sasa Coastal Union imecheza mechi sita za ligi kuu ambapo wameshinda mechi mbili na kutoa suluhu mechi nne, hawajapoteza hata mchezo mmoja. Wanashika nafasi ya nne kwenye msimamo ambapo nafasi ya kwanza inashikiliwa na Simba SC wenye point 14, ya pili ni Kagera Sugar (point 11), wa tatu ni Azam FC (point 10) na Coastal Union (point 10).

Baada ya kucheza na Azam FC siku ya jumamosi  Octoba 5 (kesho), Wagosi wa Kaya watakuwa wamebakisha mechi sita kukamilisha mzunguko wa kwanza wa ligi kuu ambazo ni dhidi ya Ashanti Utd Octoba 13 siku ya Jumapili katika uwanja wa Chamazi  jijini Dar es Salaam.

Mechi nyingine ni dhidi ya Kagera Sugar (J2 Oct 19, Bukoba), Simba SC (J5 Oct 23, Tanga), Mtibwa Sugar (J1 Oct 26, Tanga), Mgambo JKT (J5 Oct 30, Tanga), mwisho watamalizia mzunguko wa kwanza katika Mkoa wa Pwani wakicheza dhidi ya JKT Ruvu Jumamosi Novemba 2.

Mungu akipenda blogu yako itahakikisha inakuwepo kila mechi ili kukupatia picha na habari kutoka eneo la tukio, na tayari blogu imeshatua mjini Tanga timu imehifadhiwa nje ya mji ili kuogopa hujuma za Azam FC. Wachezaji wote wapo katika hali nzuri mbali ya wachezaji wawili kupewa kadi nyekundu katika mechi dhi ya Mbeya City, yaani beki Marcus Ndeheli na kiungo mshambuliaji Haruna Moshi ‘Boban’.

COASTAL UNION

4 OCTOBA, 2013

TANGA, TANZANIA

Mbeya City Vs Coastal Union nguvu sawa.

 Hakika Mbeya City wanapendwa sana na mashabiki wao, hilo liliwasaidia kuwachanganya wachezaji wa Coastal Union.

 Crispian odula akitafuta mbinu za kuwatoka mabeki wa Mbeya City huku akiwa hana msaada wowote.

 Danny Lyanga akikokota mpira huku Othman Tamim na Marcus Ndeheli wakiwa tayari kumsaidia.

 Yayo Kato akikimbilia mpira huku mchezaji wa Mbeya City akihakikisha hafanyi madhara yoyote.

Marcus Ndeheli wa Coastal Union na Richard Peter wakionyesha kadi nyekundu baada ya kutaka kupigana uwanjani.

Timu kisiki ambayo imejizolea umaarufu katika Ligi Kuu, Mbeya City imetoka suluhu na Coastal Union kutoka Tanga baada ya Mwagane Yeya, aliyeingia kipindi cha pili kukomboa bao la mapema lililofungwa na Haruna Moshi katika dakika ya 10.

Katika mechi hiyo ambayo ilikuwa na upinzani wa hali ya juu, Wagosi wa Kaya walimaliza dakika tisini wakiwa pungufu baada ya wachezaji wawili kupewa kadi nyekundu katika kipindi cha pili cha mchezo.

Kadi ya kwanza ilitolewa kwa Marcus Ndeheli baada ya kupishana maneno na mchezaji wa Mbeya City, Richard Peter baada ya mwamuzi kutoa faulo ya utata hivyo kuleta mtafaruku uliosababisha mwamuzi wa leo Oden Mbaga, kutoa kadi nyekundu kwa wachezaji hao.

Kadi ya pili ilitolewa dakika tano kabla ya mchezo kuisha baada ya Haruna Moshi, kudaiwa kutoa maneno ya kashfa kwa mwamuzi wa pembeni hivyo mwamuzi wa kati alipoelezwa kuhusu hilo bila kufikiri akamwonyesha kadi nyekundu.

Aidha, bao la Coastal Union lilifungwa kwa ufundi mkubwa baada ya Mbwana Kibacha kupiga krosi nzuri iliyotua miguuni mwa Boban na kuitendea haki kwa kuitia wavuni akimuacha mlinda mlango wa Mbeya City Juma Mwambusi akiona uvivu kuuokota wavuni.

Nalo bao la Mbeya City lilifungwa kiufundi baada ya Mwagane Yeya kutumia vema makosa ya mabeki wa Wagosi ambapo ulipigwa mpira wa adhabu ndogo na Yeya akapiga kichwa kizuri kilichopita katikati ya mikono ya mlinda mlango wa Wagosi, Said Lubawa aliyeingia kipindi cha pili kuchukua nafasi ya Shaaban Kado aliyeumia kabla ya kipindi cha kwanza kuisha.

Kutokana na matokeo hayo Wagosi wamevuna point 10 wakiwa wamecheza mechi sita wakitoa suluhu mechi nne na kushinda mechi mbili.

Aidha mechi nyingine ni dhidi ya Azam FC ambayo watakutana nayo siku ya jumamosi wiki ijayo katika uwanja wa Mkwakwani.

COASTAL UNION
MBEYA, TANZANIA

Mbeya yavamiwa na kigoma cha Coastal

 Shamrashamra zikianza katika mitaa ya Uyole leo asubuhi.

Mashabiki wa Coastal Union wakiwa katika stand kuu ya Mbeya.

Hapakutosha leo mjini Mbeya.

 Tofauti ya mashabiki wa Coastal Union na timu nyingine ni swala, hapa mashabiki ambao walikuwa wakitoka Tanga walishuka eneo la Mdaula kupata swala ya Ijumaa jana mchana.

Mashabiki wa Coastal Union wakiwa hotel waliyofikia jijini hapo.

Shabiki wa Coastal Union Maarufu anaekwenda kama "Nyang'au Dungumaro akiwa katika mishe mishe ndani ya Jiji la Mbeya.

Mwenyekiti wa K/Hamasa na Ushangiliaji Miraji Wandi akiwa na Mjumbe wa K/Tendaji ya Coastal Union Ndg. Salim Amir (Legend) pamoja na mshauri Mkuu wa Rais wa Coastal Union Ndg. Salim Bawazir wakiwa ndani ya Jiji la Mbeya.

COASTAL UNION
28/09/2013
MBEYA - TANZANIA

Habari kamili kuhusu maamuzi ya mechi ya Yanga na Coastal Union.

Mwamuzi wa mechi ya Yanga na Coastal Union, Martin Saanya akiwa katika moja ya matukio ya mechi hiyo. kulia ni mchezaji wa Coastal, Crispian Odula ambaye siku hiyo alipewa kadi tata akatolewa nje bila kutenda kosa, aliyeipa mgongo Camera ni mchezaji wa Yanga, Mbuyu Twitte na kushoto ni mchezaji wa Coastal, Suleima Kassim 'Selembe'. Mechi hii iliisha kwa suluhu ya 1 kwa 1.

YANGA imemponza mwamuzi, Martin Saanya wa Morogoro aliyechezesha mechi yao na Coastal Union ambaye amefungiwa mwaka mmoja kwa kuchezesha mchezo huo chini ya kiwango.

Saanya amepewa adhabu hiyo ya kutochezesha mechi yoyote ya soka ndani ya kipindi hicho sawa na mshika kibendera namba moja wa mechi hiyo, Jesse Erasmo ambaye alishindwa kutoa uamuzi sahihi wa adhabu ya penalti waliyopewa Coastal ndani ya dakika za nyongeza kabla ya mpira kumalizika na kusababisha sare ya bao 1-1.

Penalti hiyo ndiyo ilisababisha vurugu ambazo zilifanywa na mashabiki wa Yanga ambao , walimshambulia mwamuzi kwa chupa za maji na kuvunja kioo cha basi la wachezaji wa Coastal na kumjeruhi kichwani beki wa timu hiyo, Hamis Hamad aliyelazimika kuwahishwa hospitali.

Adhabu hizo zimekuja baada ya Bodi ya Ligi kupitia taarifa ya kamishna wa mechi hiyo, Omary Walii kutoka Arusha.

Ofisa Mtendaji Mkuu wa Bodi ya Ligi, Silas Mwakibinga aliliambia Mwanaspoti kuwa: “Saanya na Erasmo wamefungiwa mwaka mmoja kuchezesha mechi za ligi baada ya bodi kupitia ripoti ya kamishina wa mchezo huo.

Saanya ameadhibiwa kwa kuchezesha chini ya kiwango na alitoa adhabu ya penalti iliyofungwa na Coastal akiwa mbali na tukio,” alisema Mwakibinga na kufafanua kuwa posho za waamuzi wa mechi kwa sasa ni Sh 250,000 mbali na nauli na teksi tofauti na zamani walipokuwa wanalipwa shilingi 170,000.

“Kwa upande wa Erasmo ndiye alikuwa eneo la tukio ilipotokea penalti, lakini alishindwa kumsaidia mwamuzi wa kati na kubaki ameduwaa kama asiye na uhakika.”

Mwakibinga alisema mbali na adhabu hizo kwa waamuzi, Kamati imemfungia kocha wa makipa wa Coastal Union, Juma Pondamali muda wa miezi mitatu na faini ya Sh1 milioni kwa kutoa lugha ya matusi kwa mashabiki wanaodaiwa ni wa Simba.

Katika hatua nyingine, Coastal imetozwa faini ya Sh100,000 kwa kuchelewa kikao cha maandalizi ya mechi asubuhi kwa dakika 23 huku Yanga ikitozwa faini ya Sh1 milioni kwa mashabiki wake kurusha chupa uwanjani na pia kumvamia mwamuzi huku viongozi wakishindwa kuwadhibiti.

Kuhusu basi la Coastal hakukuwa na taarifa kwani tukio lilitokea nje ya uwanja.

SOURCE: GAZETI LA MWANASPOTI

Coastal Union ya miaka ya nyuma imerudi tena... Kikosi cha ushindani.

 Kikosi cha zamani cha Coastal Union, Kuanzia kushoto wa kwanza ni Ali Mwaliza nyuma yake ni Yassin Napili, wa Kati ni Mohammed Kampira, Ally Maumba, Aggrey Chambo na Kassa Mussa, na wa kwanza ni Ali Majeshi wa nyuma ni Said Kolongo! Kikosi hiki ni baada ya ubingwa wa 1988.

                                                                     Ally Maumba. 

Umepita muda mrefu bila kupata taarifa za timu, lakini ni kutokana na kusimama kwa ligi kupisha mechi ya kumaliza kufuzu kwa michuano ya kombe la dunia, ambapo Taifa Stars imemaliza vibaya kwa kuchapwa na Gambia mabao 2 kwa 0.

Ligi itaendelea tena jumamosi Septemba 14 katika uwanja wa Mkwakwani ambapo Wagosi wa Kaya watakutana na maafande wa Prison kutoka Mbeya.

Itakumbukwa mechi mbili za awali Coastal Union ilishinda mabao 2 kwa 0 dhidi ya JKT Oljoro ya Arusha katika uwanja wa kumbkumbu ya Sheikh Amri Abeid, na kutoa suluhu ya 1 kwa 1 dhidi ya Yanga jijini Dar es Salaam katika uwanja wa Taifa.

Baada ya hapo jumapili Septemba 8, timu ilicheza mechi ya kirafiki dhidi ya Mafunzo kutoka Zanzibar ambao nao ni askari magereza kama Prison, matokeo ilikuwa ni Coastal Union 1 na Mafunzo 0. Mfungaji akiwa ni mchezaji kutoka Uganda, Kato Yayo Lutimba.

Leo tunaendelea na kumbukumbu za wachezaji walioiletea mafanikio Coastal, ambapo jina la Ally Maumba ndilo linalopamba ukurasa wetu kwa leo, habari hii ilitolewa kwenye ukurasa wa facebook lakini wachangiaji ndiwo watakaoandika habari ya leo. Naleta maneno yao kama walivyoaandika kumzungumzia Legend huyu.

Dhulfikar Ashraf dogo alikua na uwezo wa ajabu lakini ni Coastal yote ilikua na uwezo kwakila mchezaji ukiacha Maumba Iddrisa Ngulungu naye alikua muhimu sana anajua kukaba kutoa pasi za mwisho alikua fundi sana kama Kasa Mussa, Juma Mgunda, Aly Ruga, Kasim Mwajek, Mohammed Kampira, Doglas Muhani, Abuu Napili, Joseph Lazaro, Razak Yussuph ‘Careca’ Agrey Chambo, Abubakari Hassani, Mohammed Mwameja,  Makena, Rifat Said, Kolongo, Mwaliza, Jangalu, na  Tamimu.

Abdallah Merey ALI MAUMBA pekee mara ya mwisho nilikutana nae Hong Kong 2009... niliongea nae na kumuuliza swali kwa nini aliacha mpira bongo na hali alikua hakuna kama yeye? alitakiwa acheze timu moja na akina Zidane... alinijibu kuwa hajuti na uamuzi aliofanya wa kuacha mpira ni sahihi kwake....

Selemani Mohamedi Mohamedi mh ALLY MAUMBA alikuwa mtu mwengine natamani anbgekuwepo sasa

Razak Careca Uwezo wa ally maumba haujawahi kutokea kwa sasa alipofika uturuki aliwai kufanya mazozi nazani ilikua fanabache na alikubalika ila alikua anapita tu anakwenda kutafuta maisha mbele hakutaka kukaa hapo maumba anayumba kulia na kushoto mbele yuko nyuma yuko mashine mtoto wa chumbangeni historya haitofutika maisha hongera coastal 1988

Ally Kiraka Ni mchezaji pekee aliyetoka daraja la 4 na kuja kupandishwa 1kwa1 daraja kwa kwanza kipindi hicho ilikua hamna premier leaque!na alitokea maumau ya chumbageni!hii ni kwa uwezo wake alojaaliwa na mungu.

Ally Kiraka Azizi peti na salim buma ndo walikua viongozi wa mau mau na walikubali kumpeleka COASTAL UNION 1kwa1 kwa kua wao walijua uwezo wa ALI MAUMBA anafaa kucheza ligi kubwa!na alikua na kipaji,hata ahmed amasha alikua ni midifield bora tanzania lakini alikua akisema m2 ninaemuogopa hata kumsogelea ni ali maumba anapokua na mpira anaweza kukufanya jambo lolote la mshangao anapokua na ball!

Razak Careca Halo kiraka wajua sikuile coastal walipoifunga simba goli 4 refa akakubali 2 mimi na maumba hatukuepo tulikua tuko shellsheli na timu ya vijana ya tanzania wenzetu tuliokua nao walikua wanatuonea wivu sisi kwasababu yakua timu nzuri timu bora hata cochi wetu mohamed msomali akawa anaipenda coastal kwahiyo sizani kama coastal ya maumba mwakuluzo mwameja mgunda kasa kolongo doglas lazaro kolongo napil jangalu mwaliza agrey abubakari

Ally Kiraka Alipoondoka tanzania aliamua kwenda ulaya!na kwa sasa anaishi ITALY!na bado anaipenda coastal union!na niwaambiavyo yupo kwenye hii group ila ana2mia jina lingine!

Ally Kiraka Mechi pekee aliyowahi kufunga goli ali maumba ilikua ni bukoba alifunga goli la kichwa!hapo ni baada ya yassin napili kuachwa tanga na sentahafu akapewa mikoba abdallah tamimu mdaula.

Ally Kiraka Razak hiyo mecho 2lowapiga simba naikumbuka kama leo nilikuwapo!na refaree hadi leo nilimuhifadhi jina alikua ni abdul kawambwa,aliwabeba sana simba ila kwa uwezo walokua nao kina mgunda na mwakuluzo walikua hawashikiki,ilibidi edward chumila alivyoona simba sasa imezidiwa na ndipo alipomfuata refa na kumwambia kwani we refa huumalizi huu mpira?cc 2mechoka bwanaa!!FAT walimfungia refa abdul kawambwa,yaani kama leo yanijia ile mechi.

Razak Careca Maumba hawezi kusahaulika yeye ndio chachu ya ushindi alikua anajua sana mpira hatasijui nisemeje mana narudisha akili nyuma naona ni kama juzi naona jinsi anavyowapiga makanzu kina gagarino na kina athuman china ilikukua burudani ya ajabu sana hata ulaya hawana uwezo ule ila nikipaji alichopewa na mungu kwasasa hakuna tena

Ally Kiraka Ni mchezaji pekee aliyefananaishwa na farasi mweupe kwa maringo yake ya uchezaji mpira!kinanda alikua akiumiza kichwa sana akiambiwa maumba ni majeruhi na ndipo alipoamua ngulungu kumchezesha no.ya maumba na alikua akifit!

Razak Careca Simba walikua wanaomba mpira umalizike nakama mimi na maumba tungekuepo sijui ingekueje mana ingekua 10 . lakini pia kukosekana kwetu pia palikua hapaja aribika kitu kulikua na agrey chamba na kasimu mwajeki kwajula ilikua si timu ya kucheza ligi ya tanzania

Ally Kiraka Razak mpaka juzi nilikwenda kwa muchachu dar ya ya kupiga mishkaki ye akiiniita we coastal union!katika maongezi ananiambia coastal union walikua waki2tesa sana!nikamkumbushia hii mechi ya refa kukataa magoli kama mvua ananiambia ile ckuile ctaisahau k...

Razak Careca Hakuna kisicho wezekana timu tunayo nzuri sana kilichobaki ni umoja na mshikamano na kuwahamasisha wachezaji wetu majungu na masufuria yasiwe na nafasi mwenye majungu aende simba au yanga hapa coastal mbele kwa mbele akiingia yanga tuna mchapa simba ndio kabisa nyingi mwaka wetu asietaka ukweli aende yanga na simba hapa ni kufa kupona piga ua mungu ajaliapo watatukoma mwaka huu

COASTAL UNION

10^TH SEPT,2013